每次見我媽，我都會問佢兩個問題：
第一，我係邊個？我係你邊個？
第二，呢度係邊度？
岩岩出院時認錯我、叫錯我名，以為我係佢個妹。
帶佢散步又成日以為呢度係廣州，唔係香港。
明明食左飯又話未食飯，時地人空間記唔到，情緒時好時壞 ⋯⋯
內科醫生只概括我媽的病情就是曾中風和心臟衰竭，出現幻覺、抑鬱同妄想，好易發脾氣就被轉介去精神科見醫生，醫護冇好好溝通令我媽有hardfeeling以為自己係痴線既，搞到情緒更加差，我更加handle唔到佢。
精神科太忙，醫生只詢問左情況就開藥，沒有解釋太多。後來，我都唔記得點解會帶我阿媽去做認知障礙檢測，報告結果話佢認知受損，臨床痴呆評定為嚴重。才知道，呢啲全部都係認知障礙症既病徵，而香港有認知障礙症通常會轉介到腦神經科／精神科／老人精神科。之後屋企人紀錄阿媽的精神狀態，加埋份報告同醫生講，轉左一次藥，而家精神穩定左好多喇。
如果有懷疑，老土都要講句要及早檢測啊！參考資料：
http://www.hkada.org.hk/tc/?page_id=1826
認知障礙及早檢測
