上文＜點樣應付認知障礙異常嘅行為問題？＞講到，要好好改善認知障礙患者嘅行為異常問題，方法好簡單，就係：好好飲水、好好食飯、好好痾屎。
好好飲水，係關鍵。
但吞唔到嘢，點樣好好飲水？
我媽在中風後出現吞嚥困難，連飲水食飯都會「濁親」。加上在院舍自己吃飯，飲幾多、食幾多冇人理，慢慢養成左拒食習慣。果時唔飲水、唔食飯，體重在短短幾個月甩左幾十斤。瘦弱、神志不清、意識迷糊⋯⋯ 當打擾到其他院友，必要時就要服用醫生處方嘅精神藥物控制。
對於平常人黎講，吞嘢係一種本能，話咁易，但對於有吞嚥障礙嘅老人家，飲水好容易會「吞錯隔」。而後果亦會好嚴重，隨時導致吸入性肺炎入院。咁點樣做到飲水食飯而唔「濁親」？
第一步，亦都係最重要嘅一步，就係趁內科/ 老人科覆診同醫生講，患者飲水食飯有問題，咁醫生就會轉介去言語治療科。我地排公立醫院，等左半年唔洗可以睇新症，相對而家黎講都算快。
第二，勤加練習。言語治療師會教點樣重新控制舌頭、口腔肌肉。每堂30-45分鐘，落堂派功課，家人最好每日陪同患者練習，慢慢掌握返吞嚥技巧，情況會有好轉。
第三，調節飯餐軟硬。
第四，使用凝固粉。凝固粉應該點揀？
吞嚥困難若得以改善，唔再「濁親」，飲水足，意識變得清楚，行為問題得到緩和，可謂環環相扣。
待續。
對於有吞嚥障礙嘅老人家，點做先唔會「濁親」？
