「介護食」開箱！睇人開箱開得多，估唔到自己都會寫開箱文，如果唔記得乜野係「介護食」嘅朋友，可以重溫返之前寫嘅文章《食物勾起回憶，不單單在咀嚼》啊！
日本「介護食」把不同程度吞嚥障礙分類，制定 “Smile Care Food” 標籤。今次各款標籤嘅食物都有買，開箱試食嘅主要係第二類「可以用牙齦咬爛食物」和第三類「可以用舌頭壓爛食物」，第一類「容易咬爛食物」同埋第四類「泥狀食物、慕絲狀食物」留返下一次先介紹！
咁而家就直接開箱，試食南瓜湯、忌廉燉雞肉、咖哩烏冬麵、三文魚雜菜飯。去片！
南瓜湯
這個南瓜湯屬於「可以用舌頭壓爛食物」系列，接近家常南瓜湯，易於食用和creamy！
忌廉燉雞肉
咀嚼能力減退，不能輕易吃到肉，特別係「一嚿肉」，好多人因此都改吃「免治肉」。呢個忌廉燉雞肉，Asahi集團用左專有技術「軟製造方法」，可以輕鬆咀嚼一粒粒嘅肉，有返食肉嘅口感。微波爐「叮」完，超香，類似茶餐廳嘅白汁雞皇，好快食光光！
咖哩烏冬麵
咖哩烏冬麵屬於「可以用牙齦咬爛食物」，軟化「煙韌」嘅烏冬麵，切成短短的，容易入口。不過我媽可能不太習慣日式咖哩，對呢個烏冬反應一般。
同場加映：三文魚雜菜飯
呢個三文魚飯屬於「可以用牙齦咬爛食物」。三文魚飯整熱左之後，超級香！超級軟！離遠都聞到三文魚陣味，超鮮！三文魚加埋米飯，我媽超喜歡！那天帶媽媽去言語治療覆診，很快就吃光光，治療師話從來未見過我媽食飯咁快！美味！
我個網上商店開咗喇！有買好多款不同嘅介護食，大家有興趣可以去選購！
介護食開箱！試食南瓜湯、忌廉燉雞肉、咖哩烏冬麵、三文魚雜菜飯
