當一個夢想不能繼續，便放下，找下一個

如果你問我，而家有乜野想做？嗯⋯⋯ 冇乜特別，就是返工、處理好屋企既事、照顧好媽媽。除此以外，我唔知道自己可以做乜。

看著同輩，可以堅持做自己喜歡嘅事，或者在某個行業有不錯嘅晉升，又或者工作數年後存夠錢決定出走到世界各處遊歷。再睇睇自己，轉行搵份返平日唔洗點OT嘅工，可以放假上院舍；工作壓力不想太大，要留多點心力於家庭應付事情；有事想請假如陪診，希望得到上司通融；有穩定收入應付開支⋯⋯你會話，咁係遲早嘅事，很多人「30歲就死了80歲才埋葬」，你遲早都係咁，只不過而家早左幾年發生姐。付出幾多得到幾多嘛，都係公平的。如果想有時間多點陪伴家人、又想有足夠的錢應付開支、但又不想工作太繁重困身⋯⋯ 就是要取捨啊，不然呢？是的，我都知道啊！然後，做著「這麼好」的工作，日復一日又會覺得自己浪費人生，是否一輩子就是這樣。

每個決定總有得有失，但我冇後悔。我將時間留在呢度，錢用在呢度，有些人會覺得我好傻，應該把握年輕時間拼搏啊！但呢啲事情只能人在嘅時候做啊⋯⋯

如果公司係一架車，我只不過係入面一塊小齒輪。你會說，每個小齒輪各有功用，都是不可取締的，是啊！但係如果呢塊小齒輪可以隨時換上新嘅小齒輪，咁樣仲係咪不可取代呢？無左一塊，換一塊新嘅，就可以繼續行駛。而當屋企架車正處於幽暗隧道，突然之間停左，需要一個司機。我唔識揸車啊！但屋企唔可以冇左司機，所以一定要學識揸呢架車。

看著別人攀登高峰，也不代表自己一事無成。父母會老會病，早發生遲發生都一樣會發生，遲早都係考驗。每個人的人生階段不同，先後次序不同了，其實也沒有什麼大不了，都是這一生旅程的一部分。處理好屋企既事、照顧好媽媽，沒什麼不好。當一個夢想不能繼續，便放下，找下一個。只要想做，便是夢想。